सदस्यहरुको आर्थिक, सामाजिक एवं सांस्कृतिक उद्धेश्य परिपूर्ति गर्ने उद्धेश्यका साथ स्थापित डाँफे बचत तथा ऋण सहकारी संस्था लि. यस अवधि सम्म आईपुग्दा नेपालको एक नमूना संस्थाको रुपमा विकास भएको छ । सहकारीको अन्र्तराष्ट्रिय सिद्धान्त, मूल्य मान्यता र आदर्शबाट अभिप्रेरित भई सहकारीको माध्यमबाट वित्तीय सेवा प्रदान गर्नुका साथै रोजगारी प्रवद्र्धन गर्ने क्रममा संस्थाले सहकारी माझ नविन परिचय दिन समेत सफल भएको छ । यस कार्यमा सहभागी भई उल्लेखनीय भूमिका निर्वाह गर्ने आदरर्णीय सदस्य एवं कर्मचारी परिवार प्रति म हार्दिक आभार व्यक्त गर्न चाहान्छु । सहकारी एउटा व्यवासायिक एवं प्राविधिक विषय पनि हो । सदस्यहरु बीचको सहकार्य, सामूहिक निर्णय, अन्तर सहकारी सम्वन्ध र समूदाय केन्द्रित गतिविधी यसका मूलभूत पक्षहरु हुन् ।

प्राचीन समयमै जब मानिसले सामुहिक जीवन जिउने आवश्यकता महशुस गर्‍यो , त्यसै समयदेखि सहयात्राको शुरुवात गरेको कुरा सहजै अनुमान गर्न सकिन्छ । समयको विकासक्रमसँगै सहकार्यका विभिन्न रुपहरु मार्फत् सहकार्य भए र अन्तमा सामजिक, आर्थिक, साँस्कृतिक आवश्यताले मानव जीवनमा सहकार्यलाई अनिवार्य शर्तको रुपमा स्विकार्ने अवस्था आइलाग्यो र सहकार्यलाई सहकारी मार्फत् व्यवस्थापनका विभिन्न प्रयास भए र सहकारीको बर्तमान अवस्था कायम हुन पुग्यो भन्नु अतिशयोक्ति हुदैन । सहकारीको यस लामो इतिहासको कालखण्डमा आएर हामीले डाँफे बचत तथा ऋण सहकारी संस्था लि. मार्फत सहकारीको अभियानमा आफ्नो संलग्नता जनाउन पुगेका छौं । अव यसै सहकारीको सहयात्रा मार्फत विकासको अभियानमा अगाडि बढने प्रयत्न हुनेछ ।